THE EASY WAY WEBSITE TRAINING

Bispu di bispu pasku 2011

easywaymain — Fri, 23 Dec 2011 15:03:10 +0000

Awe ta djabierne bispu di bispu di pasku

Nos barku

Grupo Alegre di Rudseline

easywaymain — Sun, 25 Sep 2011 18:40:52 +0000

Awe djadumingu 25 september e grupo alegre di Rudseline a tèrmina e kurso di pakete 50 plus ku eksito.

Kurso website na Sta. Rosa

easywaymain — Sat, 27 Aug 2011 19:51:10 +0000

Easy Internet Cafe Sta. Rosa ta orginasia un kurso di traha bo Website den 4 ora.

Dosente ta Urvin Hart.

Bel pa fecha i ora

Mr. Urvin Hart

Kiko nos mester pa traha nos mes Website of Blog

easywaymain — Wed, 24 Aug 2011 17:15:21 +0000


Roy Granville

THE EASY WAY WEBSITE

Kiko nos mester pa traha nos mes Website of Blog

Æ Un Domain name

Æ Hosting

Æ Software.

Domain name.

Esaki ta un nòmber úniko pa un website. Minòmber.com òf .org etc

Nòmber mester ta registrá I ta kosta mas o ménos $10 – $15,= pa aña.

Subdomain name

Un bes ku e nòmber ta registrá, por traha míles di Subdomain. Un Subdomain no mester ta registrá. E ta pòrnada. Si bo ta kompletamente dependé di hende i ademas e no ta profeshonal. E por delete bo si bo no kumpli òf si e no ta deseá.

Bonòmber.Minòmober.com.

Hosting.

Hosting ta manera e tereno ku bo mester pa traha bo kas.

Bo por haña esaki di hür i bo ta paga pa luna òf pa aña.

Hosting ta $8 – $15 pa luna i bo por paga pa aña. Tambe bo por haña Hosting pòrnada. Si bo ta kompletamente dependé di hende.

Kiko ta un Blog

easywaymain — Wed, 24 Aug 2011 17:11:57 +0000

Rolando

: Roy Granville

THE EASY WAY WEBSITE

Kiko ta un Blog

Blog a kuminsá ku hasimentu di periodismo online. Aki hende tabata usa Blog pa publiká nan ideanan i kompartí esaki ku amigu i koleganan. Den un Blog e promé página ta kontené e último publikashon. Den banda òf den footer bo ta haña diferente link ku bo por usa pa bai di Post pa Post òf bishita e archivo.

Blog kasi semper tin e posibilidat pa otro persona laga komentario pa bo òf bo artíkulo.

Diferensia basiko entre un website i un blog

- ku den un website bo página prinsipal ta bo home page i e ta keda státiko.

- Den un Blog bo promé página ta bo último Post i e ta kambia kada bes ku bo update òf traha un nobo. Awendia esaki a kambia. Tin Software di kual bo ta diseñá bo blog i fásil bo ta skohe si e mester ta un website òf un blog òf tur dos.

Kiko ta un Website

easywaymain — Wed, 24 Aug 2011 17:08:52 +0000

THE EASY WAY WEBSITE

Rolando

Kiko ta un Website

Esaki ta un kolekshon di dokumentu (web page) ku bo por aksesá via di Internèt. Un web page por kontené teksto, gráfiko, koló, animashon, zonido, video.

Na momento bo aksesá un website, bo ta yega na su home page, kual mester introdusí bo na lokual e website ta brinda, den tèrmino di informashon òf servisio. For di e home page bo mester por klek riba link ku mester hiba bo riba diferente página. Un website por kontené hopi página.

Un persona ta bishita un website básikamente pa dos rason.

Pa buska informashon. Sea pa skol, pintura, proyekto, pa negoshi òf djis un adrès.
Pa hasi kompra, download un software òf pa partisipá na kualkier foro.

Lokual mester tene kuenta ora ta diseñá un website ta ku e no ta pa bo mes sino pa un bishitante. P’esei e mester ta organisá di tal manera ku e tin sentido pe bishitante di bo website.

Nos Prome kurso di Website

easywaymain — Thu, 18 Aug 2011 04:27:07 +0000

Awe 18 ougustus nos ta atende algun punto basiko pa e kurso di Website.

E entenshon di e dia di awe ta pa nos por yega na un buki o sea un forma di duna e kurso di Website “The Easy Way Website”.

Mi a envita spesialmente e dosente nan di Webmaster pa nan por pone nan granito aserka.

Bon bini na nos maestro Angel, Glaysandy, Roytje, Ruben,

Introduction to Blog/Website

easywaymain — Thu, 18 Aug 2011 04:20:54 +0000

E prome biaha ku nos tabata huntu ta pa nos sera konosi ku Blog.

Kiko ta realmente un Blog
Ki diferensia tin entre un Blog ku un Website.